Украинанинг Иккинчи лигасида иштирок этувчи «Нива-В» клуби фахрий президенти Василий Вовк жамоанинг бош мураббийи бўлишга номзодлар ҳақида гапирди.

«Максим Шацких – футболчи сифатида машҳур, аммо мураббий сифатида эмас. У ижобий ҳислатларга эга оқкўнгил инсон. Мен у билан шахсан танишман. Максим ўзини мураббийликда синаб кўриш истагини билдирди. Бироқ у «Нива-В» ёки бошқа бирорта клубни бошқармоқчи эканини айтмади. Шунинг учун ҳам, Максимни номзодлардан бири сифатида кўрмоқдамиз, аммо ҳали музокара ўтказмадик.

Ҳозирча тўрт нафар мураббий билан музокара ўтказдик. Улардан бири бу лойиҳа учун тайёр эмаслигини гапирди. Яна уч номзодимиз бор. Юқори савияга эга ва клубни биринчи лигага олиб чиқишга қодир мутахассисни изламоқдамиз» - деди Василий Вовк клуб расмий сайтида.