«Наполи» ҳимоячиси Рауль Альбиол Чемпионлар лигасининг нимчоракфиналида «Реал» клубига қарши ўйнашидан мамнунлигини билдирди.
«Ҳар бир футболчи «Реал»да ўйнашни истайди. Мен у ерда унутилмас 4 йилни ўтказганман.
Бу жуда ажойиб клуб, у ерда ўзимни уйдагидек ҳис қилганман. Мухлислар билан ҳам муносабатим яхши бўлган. Чемпионлар лигасида «Реал»га дуч келганимиз зўр бўлди.
Неаполга келадиган бўлсак, бу ер ҳам менга ёқади. «Наполи»даги вазият «Реал»га нисбатан яхшироқ, бу ерда дўстона муҳит ҳукмрон» - деди Альбиол Football-italia хабарида.
