"Олмалиқ" клуби Тошкентда йиғин ўтказмоқда.
Дастлабки йиғин машғулотларининг иккинчи кунида яна икки футболчи жамоа сафини тўлдирди.
Марказий ҳимоячи Владислав Косминин Белоруссиянинг "Неман" жамоаси аъзоси ҳисобланади. Қадамбой Нурметов эса ўтган мавсумларда жамоамиз ёшлар таркибида фаолият юритган.
Футболчилар бугун икки маҳал машғулот ўтказишди. Дастлаб "Бунёдкор" футбол академияси майдонида шуғулланишди. Кечки пайт эса аэробика ва тренажер залида уларга махсус юкламалар берилди. "Олмалиқ" 20 декабргача худди шу тартибда машғулот ўтказади. 21 декабрь куни Тошкентнинг "Бунёдкор" жамоаси билан дастлабки назорат ўйини ташкил этилади.
