ФИФА президенти Жанни Инфантино «Реал» яримҳимоячиси Лука Модричга жавоб берди.
Модрич клублар ўртасидаги Жаҳон чемпионатидан ўрин олган «Америка» - «Реал» (0:2) ўйинидан сўнг такрорий видеолавҳадан фойдаланиш футболга керак эмас деб айтган эди.
«Модрич норози бўлдими? Ҳа, қандайдир чалкашлик юзага келибди, бироқ у видеолавҳалардан фойдаланиш зарур эканини тушунса керак. Айниқса улар туфайли ғалаба қозонса. Майли 30 сония вақтни йўқотиш мумкиндир. Мен ҳам олдин салбий муносабат билдиргандим. Аммо ҳеч нарса қилмай ўтираверсак, бу тизимни қандай ишлашини билмаймиз. Ўртоқлик ўйинларида уни синовдан ўтказдик. Бу мусобақада ҳам текшириб кўришимиз керак» - деди Инфантино A Bola хабарида.
