Японияда клублар ўртасидаги Жаҳон чемпионати ўз ниҳоясига етди. Финалда Япониянинг «Кашима Антлерс» ва Испаниянинг «Реал Мадрид» клублари куч синашди.

9-дақиқада Бензема дарвозабоннинг хатосидан фойдаланиб ҳисобни очди. Бироқ шундан сўнг Шибасаки икки март гол уриб, мезбонларни ҳисобда олдинга олиб чиқди. 60-дақиқада Роналду пенальтидан ҳисобни тенглаштирди. Асосий вақт 2:2 ҳисоби билан тугади. Қўшимча вақтларда Роналду иккита гол уриб, жамоасига якуний ғалабани олиб келди. Шу тариқа «Реал» ўз тарихида 2-март клублар ўртасидаги жаҳон чемпионати ғолиби бўлди.

Клублар ўртасидаги Жаҳон чемпионати.
Финал. 18 декабрь.

Реал Мадрид Испания – Кашима Антлерс Япония 4:2 (1:1, 1:1, 2:0, 0:0) қўшимча вақтдан сўнг.

Голлар: Бензема (9), Роналду (60 пен, 97, 104) - Шибасаки (44, 52)

Реал Мадрид – Навас, Варан, Марсело, Карвахаль, Рамос (Начо, 108), Модрич (Ковачич, 105), Каземиро, Кроос, Васкес (Иско, 81), Роналду (Мората 112), Бензема.
Кашима Антлерс – Согахата, Уэда, Ямамото, Ниси, Седзи, Дои (Судзуки, 88), Эндо (Ито, 103), Канадзаки, Огасавара (Фабрисио, 68), Нагаки (Акасаки 114), Шибасаки.
Огоҳлантиришлар: Рамос (55), Ямамото (58), Фабрисио (93), Каземиро (100), Карвахаль (102).