«Барселона» клубининг бир қанча етакчилари Испания кубогининг 1/16 финалидан ўрин олган «Эркулес» клубига қарши ўтказиладиган жавоб ўйинида майдонга тушмайди.
Хусусан, Лионель Месси, Неймар, Луис Суарес ва Херард Пике бу баҳсда иштирок этмайди. Бош мураббий Луис Энрике уларга дам беришни ихтиёр қилган.
«Ҳа, тўрт нафар футболчимиз учун таътил бошланди - Месси, Неймар, Суарес ва Пике. Бошқалар эса кубок ўйинидан сўнг дам олишади. Буни биринчи марта қилаётганим йўқ» - деди Луис Энрике AS хабарида.
«Эркулес»га қарши ўйин 22 декабрь куни ўтказилади. Дастлабки ўйинда 1:1 ҳисоби қайд этилган.
