Германия чемпионатининг 16-тур ўйинлари бир дақиқалик сукут билан бошланади, деб хабар бермоқда лига матубот хизмати.
19 декабрь куни номаълум шахс Берлин марказида юк автомашинасини одамлар устига ҳайдаб, террорчилик ҳаракатини амалга оширган. Натижада 12 одам ҳалок бўлиб, 48 нафари жароҳат олган эди.
Немис футбол лигаси президенти Райнхард Раубалл бу воқеага ўз муносабатини билдирди.
«Қурбон бўлганларнинг оилаларига ҳамдардлик билдирамиз. Бу воқеа бизни чуқур қайғуга солди. Жароҳат олганларга соғлик ва саломатлик тилаймиз» - деди Раубалл.
Германия чемпионатининг навбатдаги тур ўйинлари 20-21 декабрь кунлари ўтказилади.
