Дортмунднинг «Боруссия» клуби ижрочи директори Ханс-Йоахим Ватцке Германия чемпионатидаги мураббийларнинг тез-тез истеъфога чиқарилиши тўғрисида ўз фикрини айтди.
«Агар мураббийлар штабини тез-тез алмаштирсангиз, келажак учун ишлай олмайсиз. Бу ақлсизлик. Ҳиссиётларга таяниб ишлаш – нотўғри.
Жамоани оғир вазиятда қутқариб қолган мураббий бир неча ҳафтадан сўнг ишдан бўшатилмоқда. Бунга чидаш қийин.
Агар мураббий ва унинг штабига ишонч билдирган бўлсангиз, у ҳолда ютуқ ва мағлубиятларни бирга қабул қилишингиз шарт» - деди Ватцке.
Кеча «Боруссия» М Андре Шубертни ишдан бўшатган эди. Бу Германия чемпионатидаги 7-истеъфо бўлди.
