Киев «Динамо»сининг собиқ ҳужумчиси, «Олтин тўп – 1986» соҳиби Игорь Беланов қўлга киритган совринини асраб авайлаётганини маълум қилди.
«Совринни Украинанинг банкларидан бирида сақламоқдаман. 1986 йили унга 6та гол билан ЖЧ тўпурари бўлган англиялик Гари Линекер ва мен каби 4та гол урган испаниялик Эмилио Бутрагеньо ҳам даъвогарлик қилган эди. Бироқ якунда соврин менга насиб қилди.
Йўқ, ўша пайтда бу совринни қўлга киритганим учун катта мукофот олмаганман. «Олтин тўп»ни ўзи катта мукофот эди. Пул ҳақида гап сўз бўлиши мумкин эмасди» - деди Беланов.