"Арсенал"нинг собиқ футболчиси Эммануэль Эбуэ фаолиятидаги муаммолар туфайли ўз жонига қасд қилмоқчи бўлганини тан олди.

Шунингдек, Эбуэ Кот-д`Ивуар термасидаги жамоадошларидан ҳеч бири унинг ҳолидан хабар олмаганини эслади.

"Ётган ўрнимда тура олмай қолган кунларим бўлган. Бир куни ўзимни ўлдирмоқчи бўлганман, аммо оилам мени сақлаб қолди. Тириклигим учун ундан миннатдорман. Агар ёлғиз бўлганимда куним нима кечарди, билмайман.

Коло Туре 2011 йилда дисквалификацияга учраганида, у билан доим мулоқот қилиб тургандим, "Селтик"даги мауаамоларидан хабарим бўлган. Мен ёмон аҳволга тушганимда у нима учун хабар олмади, билмайман. Ёмон гап айтмоқчимасман. Менинг муаммоларимни ҳамма билади деб ўйлайман ва ажойиб кунларнинг бирида шерикларим менга қўнғироқ қилишига умид қиламан. Албатта, хафа бўлдим. Дўстлигимиз мустаҳкам деб ўйлар эдим", - дейди Эбуэ.

Ҳозирги вақтда 33 ёшли футболчи ўз агенти Себастьен Буассо олдидаги қарзлари учун футболчилик фаолиятидан четлатилган.