Киберфутбол бўйича Ўзбекистон илк чемпионати баҳслари старт олди. Мамлакатимизнинг энг кучли киберфутболчилари жамланган Олий ва Биринчи лига ўйинларида 1-тур учрашувлари ўтказилди.

Олдинроқ хабар берганимиздек, Олий лигада 20 нафар иштирокчининг 4 нафари “Локомотив” жамоаси вакилларидир. Элитада жамоамиз шарафини Абдусапи Қаюмов (“Abdusapi_Legend_Loko”), Ўктам Ибрагимов (“Uktam_Rembo_Loko”), Санжар Усмонов (“Sanjar_Blancos_Loko”) ва Шерзод Миразизов (“Sherzod_Schurrle_Loko”) каби киберфутболчилар ҳимоя қилишмоқда. Улар стартни жуда яхши олишди. 4 та беллашувдан 3 тасида ғалабага эришилган бўлса, фақат битта қарама-қаршилик дуранг билан тугади.

Шунингдек, жамоамизнинг украиналик легионери Евгений Горбенко (“Loko_Danc1ng_ace”)  эса Биринчи лига беллашувларида ўз кучини синаб кўрмоқда. У ҳам 1-турни ғалаба билан якунлади.

Олий лига 1-тур:

Абдусапи Қаюмов (“Abdusapi_Legend_Loko”) – Шерхон Исаков (“Nakaut” – “Пахтакор”) 3:0

Ўктам Ибрагимов (“Uktam_Rembo_Loko”) – Фарруҳ Ҳайдаров (“Ronaldinho” – “Олмалиқ”) 5:0

Санжар Усмонов (“Sanjar_Blancos_Loko”) – Бобир Бобомуродов (“Bukhara” – “Бухоро”) 2:2

Шерзод Миразизов (“Sherzod_Schurrle_Loko”) – Азиз Эргашев (“Mundial” – “Нефтчи”) 4:0

Биринчи лига 1-тур:

Евгений Горбенко (“Loko_Danc1ng_ace”) – Казбек Турсинов “FK Aral” 4:1

Таъкидлаб ўтамиз, Олий ва Биринчи лиганинг иккинчи тур баҳслари 27-28 декабрь кунлари ўтказилади.