«Ювентус» ҳужумчиси Гонсало Игуаин жамоадоши Пауло Дибала ҳақида илиқ сўзларни гапирди.

«Дибала Мессига жуда ўхшаб кетади. Месси – энг яхши футболчи, буни ҳар куни исботламоқда. Пауло эса ҳали ёш, у энди 23га кирди, ҳаммаси унинг ўзига боғлиқ.

Дибала топ-футболчи бўлиш учун барча ҳислатларга эга, бунда кучли ирода керак. Бу ёшда юқори савияга чиқиб олсанг, уни кўп йиллар давомида ушлаб туриш қийин бўлади.

Ўсиш ва пасайишлар бўлиб туради. Аммо хотиржамликни сақлаб, танқид ва мақтовларни тўғри қабул қилиш лозим» - деди Игуаин.