Камерун терма жамоасининг собиқ юлдузи Ригобер Сонг юрак ҳуружига учраган пайти ҳақида гапириб берди.

«Агар итим бўлмаганида, балки тирик қолмасдим. Юрак ҳуружидан йиқилиб, ҳаракатсиз қолганимда итим қаттиқ вовуллай бошлаган. Натижада одамлар ёрдамга етиб келишган. Бундан ташқари ёнбошга йиқилганман ва бу ҳолат тилимни ютиб юборишдан сақлаб қолган» - деди Сонг Mundo Deportivo хабарида.

Эслатиб ўтамиз, Сонг юрак ҳуружидан сўнг Францияда сунъий комага туширилиб даволанди ва ҳозир ўзини яхши ҳис қилмоқда.