Илҳом Мўминжонов бошлиқ «Навбаҳор» жамоаси янги мавсум тайёргарлигини Наманганда давом эттирмоқда.
Кечаги машғулотларда собиқ «Навбаҳор» жамоаси футболчиси Абдулазиз Султонов ҳам иштирок этди. Мухлисларни таркибдаги ўзгаришлар қизиқтириши табиий. Шуни алоҳида таъкидлаб ўтмоқчимизки, ўзгаришлар янги йилда кузатилади.
Ҳозирча бир нечта маҳоратли футболчилар билан музокаралар ўзининг якуний босқичига кўчган. Мавсумни «Обод» жамоасида ўтказган ёш дарвозабон Дилшод Ҳамроев янги мавсумни «Навбаҳор»да ўтказиши деярли ҳал этилди. Шунингдек, «Пахтакор»нинг ёш посбонларидан саналган поплик Ботирали Эргашев ҳам «Навбаҳор»нинг кейинги йиғинида иштирок этиши айтилмоқда.
