Франция терма жамоасининг собиқ дарвозабони Фабьен Бартез интервьюсида терма жамоадаги жамоадоши Зинедин Зидан ҳақида фикрларини билдирди.

"Зидан футболни тушунади ва муҳим ўйинни қандай қилиб ўз томонига оғдиришни билади. У ҳар доим етакчи бўлган.

Ҳамма унинг муваффаққияти ҳақида гапиради, аммо улар юзаки фикрлайдилар. Муваффаққият унга осмондан тушиб қолмаган. Имконият излаш ва ундан фойдаланишни билиш керак. Хидан худди Кройфф, Марадон ва Пеле каби катта учрашувларда сўзини айтар эди.

Унинг терма жамоадаги биринчи ўйинини эслайман. 1994 йилда Чехия термасига қарши ўйинда захирадан майдонга тушди ва тез орада ўйин назоратини қўлга олган эди.

Зидан — юқори тоифали спортчи. У шитишни ва кузатишни уддалайди. Шунингдек, ўйиндан завқ ола билади.

У ҳеч қачон "Реал" мураббий бўламан, демаган. Бу унинг усули эмас. Ҳатто Дешамнинг мураббий ўлиши ойдин эди. Зидан майдонда етакчи эди. У кам гапирар, аммо тўп унга тушгач, барчаси унинг ихтиёрига ўтарди. Зидан улғайгач, ўз ҳиссиётларини кўпроқ кўрсата бошлади.

У буюк футболчи ва яхши инсон. У одамлар билан ҳар доим виждонан муносабатда бўлади, ҳатто хафа қилсалар ҳам. Бу жуда муҳим, акс ҳолда футболчилар унга ишонмайдилар.Буларни Зидан менинг дўстим бўлгани учун айтаётганим йўқ", - дейди Бартез.