Англиянинг «Манчестер Юнайтед» жамаоси бош мураббийи Жозе Моуриньо хотини Матилданинг операция қилинишини билгач, қарийб 24 соат ичида 2 марта Манчестердан Лиссабонга бориб келди, деб хабар бермоқда «iSport.ua».
28 декабрь куни Моуриньонинг турмуш ўртоғи аввалги операция асорати туфайли яна бир бор жарроҳлик амалиётига муҳтож бўлди. Бундан хабар топган мураббий шу куниёқ шахсий самолётида Лиссабонга учди. Операциядан сўнг у 29 декабрга ўтар кечаси Манчестерга қайтди.
29 декабрь куни эрталаб 53 ёшли мураббий жамоа билан машғулотда қатнашди, сўнгра яна Лиссабонга йўл олди. 30 декабрь куни эрталаб Моуриньо «МЮ» машғулотларида пайдо бўлди ва «Мидлсбро»га қарши учрашув олдидан ўтказилган матбуот анжуманида ҳам қатнашди.
Қайд этиш жоиз, Жозе Моуриньонинг хотинига айнан қандай жарроҳлик амалиёти ўтказилганига аниқлик киритилмаган.
Маълумот учун, «Манчестер Юнайтед» жамоаси 31 декабрь куни «Мидлсбро»га қарши кечган АПЛ 19-турида 2:1 ҳисобида иродали ғалабага эришганди.
