Колумбиянинг «Атлетико Насьонал» клуби ҳужумчиси Мигель Борха Жанубий Америка қитъасида 2016 йилнинг энг яхши футболчиси деб топилди.
23 ёшли футболчи El Pais нашри томонидан ўтказилган сўровномада 310 журналистдан 85 нафарининг овозни олишга муваффақ бўлди.
Иккинчи ўринни «Палмейрас»нинг собиқ ҳужумчиси, айни пайтда «Ман Сити» таркибига ўтган Габриэл Жезуш қўлга киритди (76 овоз). Учинчи ўринни «Атлетико Насьонал» клубининг яна бир футболчиси Алехандро Герра эгаллади (50 овоз).
Мигель Борха бундай эътирофга сазовор бўлган Карлос Вальдеррама ва Теофило Гутьерресдан кейин колумбиялик учинчи футболчи бўлди.
