Италиялик таниқли мураббий, ўз вақтида Массимилиано Аллегрига устозлик қилган мутахассис Жованни Галеоне мавсум тугаганидан сўнг унинг "Ювентус"дан кетишини тасдиқлади.
"Аллегрининг "Ювентус"даги даври тугади. Умид қиламанки у АПЛда ишлайди, аммо олдин у навбатдаги скудеттони қўлга киритиши керак.
Менинг фикримча, унинг Туриндаги вақти тугади. "Арсенал" - яхши вариант, у Венгерни алмаштириши мумкин. "Арсенал" анчадан бери совриндор бўлгани йўқ, бу Аллегри учун яхши чорлов бўлиши мумкин.
"Ливерпуль" ёки "Тоттенҳэм"? БУлар ҳам ажойиб вариантлар. Раньери ва Ди Маттео яхши иш бажарган бўлсаларда, Аллегри Конте изидан бориши мумкин.
Миллий терма жамоа? Ҳеч қачон "ҳеч қачон" дема", - дейди Галеоне.
