"Сандерленд" бош мураббийи Дэвид Мойес АПЛнинг 20-турида "Ливерпуль" билан дуранг учрашувдан сўнг (2:2) фикрлари билан ўртоқлашди.
"Сандерленд" ҳар икки голини пенальтида киритди, аммо ҳакам ҳисоб 1:1 вақтида Эмре Жан қўли билан ўйнаган вазиятда яна бир пенальтини белгиламади. "Ливерпуль" устози Юрген Клопп эса "қизиллар" дарвозасига пенальти белгиланишидан олдинги жарима тўпи белгиланишини хато деб ҳисоблади.
"Ҳакамлар баъзан бизнинг фойдамизга ҳам қарор чиқаришади. Жадвалнинг қуйи қисмидаги жамоаларга қаранг, ҳакамлар уларнинг рақиблари хатоларини кўрмайдилар. Ҳозир мен ҳакам яна бир пенальтини белгиламади деб аюҳаннос солишим мумкин.
Бугун "Сандерленд" зўр прессинг уюштирди. Агар немис бўлганимда, бунинг учун мени мақтаган бўлишарди. Немис бўлганимда, журналистлар мени алқаган бўлишарди", - дейди Мойес.
