«Қўқон-1912» жамоасининг иккинчи йиғини 3 январь куни бошлангани ҳақида хабар бериб ўтгандик. Тошкентда давом этаётган йиғинда футболчилар кунига икки маҳал машғулот ўтказишмоқда.
Таркибдаги ўзгаришларга келсак, 2016 йилги мавсумда “Сўғдиёна” шарафини ҳимоя қилган Акмал Холмуродов “Қўқон-1912” йиғинига келиб қўшилди.
Жамоа ишқибозлари учун хушхабар. Тошкентдаги йиғинда сафга Жавоҳир Сидиқов ҳам келиб қўшилди. Ўтган мавсум кашфиётларидан бири сифатиди эътироф этилган, мухлисларнинг ёқимтойига айланган бу ёш футболчи жорий йилда ҳам “Қўқон-1912” жамоаси шарафини ҳимоя қиладиган бўлди.
«Қўқон-1912» 8 январь куни 2017 йилдаги биринчи ўртоқлик учрашувини ўтказади. Якшанба куни Қибрайда бўлиб ўтадиган ўйиндаги рақиб – “Пахтакор” жамоаси бўлади. Ушбу баҳс соат 12:00да бошланиши кўзда тутилган.
