"Челси" ҳужумчиси Диего Коста АПЛнинг 10-турида "Тоттенҳэм"га қарши учрашувда (0:2)жамоадоши Педро Родригес билан тортишган ҳақида гапирди.

Футболчилар ҳисоб 0:0 бўлиб турган вақтда, вазиятларнинг бирида футболчилар қизғин тортишувга киришган эдилар.

"Ҳеч нарса бўлгани йўқ. Биз бир-биримизни яхши тушунамиз. Агар жамоадошингиз билан яхши муносабатда бўлсангиз - бундай тортишувлар оддий ҳолатдир.

Бу шунчаки ўйиндаги вазият эди. Мен унга "Сен у ёққа боришинг керак эди, нега бормадинг?" дедим. У "бордим" деди, мен яна унинг бормаганини айтдим. Шу, холос.

Педро билан ака-укамиз. Биз бир-биримизни яхши кўрамиз", - дейди 28 ёшли футболчи.