«Манчестер Сити» клубининг «Севилья»да ижарада ўйнаётган яримҳимоячиси Самир Насри 4 йилга футболдан четлатилиши мумкин.
Football Espana хабарига кўра, Испания антидопинг ташкилоти Насрига нисбатан суриштирув ишларини бошлаган.
Гап шундаки, футболчи Лос-Анжелесдаги DripDoctors клиникасида витамин терапиясини қабул қилган. Даволанишнинг бундай услуби допинг изларини яширишга ёрдам беради ва ВАДА томонидан спортчилар учун тақиқланган.
Жорий мавсумда Самир Насри «Севилья» таркибида 11та ўйинда майдонга тушиб, 2та гол урган ва 1 голга ҳаммуаллифлик қилган.
