"Фиорентина" ҳужумчиси Никола Калинич "Тяньцзинь Цюаньцзянь" клубига ўтишга яқин турибди, дея хабар беради La Gazzetta dello Sport.
Хитойликлар футболчига йиллик 12 миллион евро маош таклиф қилганлар. Шу тариқа Калиничнинг маоши ўн баробарга ошиши мумкин.
Хабар қилинишича, футболчи дастлаб хитойликларнинг қизиқишига шубҳа билан қараган, аммо таклиф этилган маош миқдори унинг ўз фикрини ўзгартиришига мажбур қилган. Аввалроқ "Фиорентина" уни 45 миллион еврога сотишга тайёрлиги хабар қилинган эди.
29 ёшли футболчи ушба мавсумда 24 учрашувда 12та гол урган ва 3 голга тўп оширган.
