Қатар юлдузлари лигасида 15-тур ўйинлари ўтказилмоқда. «Ал-Жайиш» ўз майдонида «Ал-Араби» клуби билан ўйнади.

Кескин курашларга ва голларга бой тарзда ўтган ўйинда мезбонлар сўнгги дақиқаларда ғалабани илиб кетишди.

Ҳамюртимиз Сардор Рашидов асосий таркибда майдонга тушиб, сўнгги икки голга муаллифлик қилиб, жамоасига ғалаба келтирди. Натижада Рашидовнинг жорий мавсумда урган голлари сони 10тага етди. У тўпурарлар жадвалида 4-ўринда бормоқда.

Бу ғалабадан сўнг, «Ал-Жайиш» 15 ўйиндан сўнг 33 очко билан 3-ўринни эгаллаб турибди.

Қатар чемпионати, 15-тур
«Ал-Жайиш» - «Ал-Араби» 4:3 (2:1)
Голлар: Мендес (4), Ромариньо (11), Рашидов (78, 90+2) – Эзекиель (25), Хименес (61), Хухи (83)
Четлатишлар: Санад (45), Ал-Жабри (90+4) – Ассие (64)