Аргентина футболининг юлдузи Диего Марадона ФИФА президенти Инфантино мамлакат терма жамоасини халқаро мусобақалардан четлатиши мумкинлиги ҳақида гапирди.
«Инфантино Аргентинани халқаро мусобақалардан четлатиш борасида иккиланиб ўтирмайди. У менга: «Аргентинадан келаётган хабарлар сочимни тикка қилмоқда. Мамлакат футбол федерациясига жазо қўллаб, терма жамоани мусобақалардан четлатиш борасида иккиланиб ўтирмайман. Буни ҳар бир аргентиналикка эринмай тушунтиришга тайёрман» - деб айтган» - деди Марадона Ole хабарида.
Марадонанинг ўзи Аргентина футбол федерациясини ҳар доим танқид қилиб, у ерда ишловчи мулозимларни коррупцияда айблаган ва футболни тушунмайдиган мафиозига тенглаштирган.
