«Навбаҳор» клуби бугун Муборакнинг «Машъал»и билан назорат ўйинида куч синашди.

“Оқ-тепа” ўйингоҳида бўлиб ўтган учрашувда 1:1 ҳисоби қайд этилди. Биринчи бўлим сўнгида муборакликлар ҳисобни очди. Голга Марадона Сафаров муаллифлик қилди. Иккинчи бўлимда Алишер Маҳмудовнинг аниқ зарбасидан кейин «Навбаҳор» ҳисобни тенглаштирди. Маҳмудов захирадан майдонга тушган Илҳом Алибоев ишлаган жарима зарбасини голга айлантирди. Алишернинг 22 метрлар чамаси масофадан йўллаган зарбасини “Машъал” посбони Илёсов қайтара олмади. Учрашув якунига қадар шу ҳисоб ўзгаришсиз қолди.

Ўртоқлик ўйини
«Навбаҳор» - «Машъал» 1:1 (0:1)
Голлар: Маҳмудов - Сафаров
«Навбаҳор»: Акмал Турсунбоев, Ҳасанбой Эргашев, Аббос Отахонов, Тоҳир Шамситдинов, Илҳом Бойдедаев, Ислом Исоқжонов, Азизбек Турғунбоев, Аъзам Алиев, Алишер Мирзаев, Дилшод Жабборов, Равшан Хурсанов. Захирадан майдонга тушганлар: Абдуазиз Султанов, Алишер Маҳмудов, Ғайрат Жўраев, Илҳом Алибоев, Нодир Ашурматов.
«Машъал»: Носиров Б, Шайқулов И, Агалиев А, Камолов М, Бегимқулов А, Кагиров Т, Қосимов Б, Павленко В, Сафаров М, Қўзибоев З, Белов К.
Иккинчи бўлимда майдонга тушганлар: Илёсов Ж, Шодмонов А, Шайманов Ш, Достонов Ш, Тўраев З, Олимов А, Муртозоев Х, Майлиев С, Машарипов Т, Қиличов Ш, Мирзақулов Ж.