«Локомотив» клуби ва Ўзбекистон терма жамоасининг яримҳимоячиси Сервер Жепаров Теҳроннинг «Истиқлол» жамоаси билан шартнома имзолаш учун Эронга келди.

Футболчимиз "Тасним" ахборот агентлиги мухбирининг саволларига жавоб қайтарди.

«Истиқлол» - ажойиб жамоа. У Осиёнинг етакчи клубларидан бири. Футбол агенти Аҳмадпур Айраням менга «Истиқлол»нинг таклифи ҳақида хабар берганида, Эронга келишга қарор қилдим.

Ҳа, ёшим катталиги тўғри, аммо мен Ўзбекистон терма жамоаси сардориман ва ҳалиям юқори савияда ўйнамоқдаман. Менинг ёшим ва тажрибам «Истиқлол»га фойда беради деган умиддаман.

Эрон чемпионатида яхши тажриба орттиришни кўзламоқдаман. Умид қиламанки, «Истиқлол» билан олиб борилаётган музокаралар муваффақиятли якунланади» - деди Жепаров.