Бугун "Навбаҳор"нинг Тошкентда ташкил этилган йиғини якунига етди.
4 январь куни бошланган машғулотлар давомида асосий эътибор футболчиларнинг жисмоний ҳолатини яхшилашга қаратилди. Шу билан биргаликда, назорат ўйинлари орқали мураббийлар футболчиларнинг ҳолати борасида тегишли хулосаларга келиб олишди.
Ўтказилган иккита учрашувда ғалаба ва дуранг қайд этилди. “Олмалиқ” жамоаси 1:0 ҳисобида мағлубиятга учратилган бўлса “Машъал” билан 1:1 ҳисобидаги дуранг қайд этилди.
Бугун жамоа аъзоларига икки кунлик дам олиш эълон қилинди. 17 январдан эса тайёргарликнинг навбатдаги босқичига киришилади. Бу йиғин ҳам Тошкентда бўлиб ўтади.
