Ўтган мавсум олий лиганинг барча ўйинларида майдонга тушган "Локомотив" ярим ҳимоячиси Санжар Шоаҳмедов клубни тарк этди.
У ҳам ҳужумчи Темурхўжа Абдухолиқов сингари Қатарнинг "Ас-Сайлия" клубига ўтди.
Санжар Шоаҳмедов кеча тиббий кўрикдан муваффақиятли ўтди ва янги жамоаси билан бир ярим йилга мўлжалланган шартнома имзолади. Эндиликда у ҳам фаолиятини Қатар Юлдузлар Лигасида давом эттиради. Айтиб ўтганимиздек, ушбу футболчи ўтган йил олий лиганинг барча 30 ўйинида иштирок этиб, 7та гол уришга муваффақ бўлди.
Шунингдек, Санжар Ўзбекистон Кубоги баҳсларида битта гол уришга эришди.
