«Тяньцзинь Цюаньцзянь» хўжайини Шу Юхуи трансфер бозоридаги ишлари тўғрисида гапирди.
«Клубимиз янги мавсумдан олдин катта трансфер мақсадларини қўйган эди. Аммо янги қоидалар ҳаммасини ўзгартириб юборди. Чунки эндиликда фақат уч нафар легионерни майдонга тушириш мумкин бўлиб қолди.
Биз Бенземага таклиф бердик. Шунингдек агент Жорже Мендеш билан ҳам учрашдим. Диего Коста билан ҳам қизиққан эдик, аммо «Челси» уни июнь ойида қўйиб юборишга рози бўлди. Бизда у пайтда мавсумнинг қоқ ўртаси бўлади. Бунчалик кўп кутиб туролмасдик. Кавани ҳам бизнинг таркибга ўтишга рози бўлганди, аммо ПСЖ уни ёзда қўйиб юборишга рози бўлди» - деди Шу Юхуи.
Аввалроқ, «Тяньцзинь Цюаньцзянь» яримҳимоячи Аксель Витцель билан шартнома имзолаганди.
