"Манчестер Юнайтед"нинг собиқ ҳимоячиси Неманья Видичнинг фикрига кўра, "қизил иблислар" бу мавсумда чемпион бўла олмайдилар.
"Агар вазиятга реал баҳо берсак, биз чемпионлик пойгасидан чиқдик. Бу менинг фикрим. Аммо охирги ҳафталарда жуда ишончли ўйнаяпмиз, шундай давом этсак - кучли учликка кирамиз.
"Ливерпуль"га қарши биринчи бўлимда яхши ўйнадик, бизда 3-4 имконият бўлди, аммо улардан фойдалана олмадик. Агар ютишни истасангиз, вазиятлардан фойдаланиш керак.
Иккинчи бўлимда биринчисичалик яхши ўйин кўрсата олмадик, аммо Иброҳимович ўз маҳоратини кўрсатди, битта имконият - бир гол.
Умуман олганда, 1:1 - ҳаққоний натижа", - дейди Видич.
