УЕФА президенти Александер Чеферин Россияни ЖЧ-2018 мусобақасини ўтказишдан маҳрум қилиш ҳақидаги чақириқларга ўз муносабатини билдирди.
«Россияни ЖЧ-2018дан маҳрум қилинишига ҳуқуқий сабабларни кўрмаяпман. Ишончим комил, Россия футбол иттифоқи ва маҳаллий ташкилий қўмита зўр иш олиб боради. 2018 йилда эса бизни ажойиб мусобақа кутиб турибди. Бу борада хотиржамман» - деди Чеферин ТАСС хабарида.
Эслатиб ўтамиз, допинг билан боғлиқ можаролар туфайли, бир қатор федерациялар Россияни барча йирик мусобақаларни ўтказишдан маҳрум қилишга чақирган эди.
