Туркияда қишки ўқув йиғин машғулотларини олиб бораётган "Насаф" бугун навбатдаги назорат учрашувида майдонга тушди.

"Насаф"га Украина премьер-лигаси вакили, Львов шаҳрининг “Карпати” жамоаси рақиб бўлди.

Ўйиннинг 5-дақиқасида тажрибали ҳужумчимиз Драган Черан ҳисобни очди. Иккинчи бўлимнинг 50-дақиқасида Драган Черан яна бир марта львовликлар дарвозасини ишғол қилди. Орадан кўп вақт ўтмай рақибимиз ҳисобни қисқартиришга эришди. Ўйиннинг сўнгги дақиқаларида Дилшод Хушбаков жуда чиройли тарзда, узоқ масофадан “Карпати” дарвозасини ишғол қилди. Бу голларга Шахбоз Эркинов, Фарруҳ Сайфиев ва Ислом Кенжабоев асисентлик қилишди.
“Насаф” сўнгги назорат учрашувини 20 январ куни Қозоғистоннинг “Шахтёр” жамоасига қарши ўтказади.

Ўртоқлик ўйини
«Насаф» - «Карпати» (Украина) – 3:1 (1:0)
Голлар: Черан (2), Хушбаков - ?
“Насаф”: Умиджон Эргашев, Мақсуд Каримов, Фарруҳ Сайфиев, Игорь Голбан, Дониёр Нарзуллаев, Азизжон Ғаниев, Дилшод Ҳамробеков, Шахбоз Эркинов, Шароф Муҳитдинов, Акмал Шораҳметов, Драган Черан.
Захирадан майдонга тушганлар: Санжар Қувватов, Баҳром Абдураҳимов, Нажмиддин Нормуродов, Бобир Абдухолиқов, Ислом Кенжабоев, Дилшод Хушбаков, Ислом Рашидхонов, Наврўз Изатиллаев.