Turkiyada qishki o‘quv yig‘in mashg‘ulotlarini olib borayotgan "Nasaf" bugun navbatdagi nazorat uchrashuvida maydonga tushdi.
"Nasaf"ga Ukraina premer-ligasi vakili, Lvov shahrining “Karpati” jamoasi raqib bo‘ldi.
O‘yinning 5-daqiqasida tajribali hujumchimiz Dragan Cheran hisobni ochdi. Ikkinchi bo‘limning 50-daqiqasida Dragan Cheran yana bir marta lvovliklar darvozasini ishg‘ol qildi. Oradan ko‘p vaqt o‘tmay raqibimiz hisobni qisqartirishga erishdi. O‘yinning so‘nggi daqiqalarida Dilshod Xushbakov juda chiroyli tarzda, uzoq masofadan “Karpati” darvozasini ishg‘ol qildi. Bu gollarga Shaxboz Erkinov, Farruh Sayfiev va Islom Kenjaboev asisentlik qilishdi.
“Nasaf” so‘nggi nazorat uchrashuvini 20 yanvar kuni Qozog‘istonning “SHaxtyor” jamoasiga qarshi o‘tkazadi.
O‘rtoqlik o‘yini
«Nasaf» - «Karpati» (Ukraina) – 3:1 (1:0)
Gollar: Cheran (2), Xushbakov - ?
“Nasaf”: Umidjon Ergashev, Maqsud Karimov, Farruh Sayfiev, Igor Golban, Doniyor Narzullaev, Azizjon G‘aniev, Dilshod Hamrobekov, Shaxboz Erkinov, Sharof Muhitdinov, Akmal Shorahmetov, Dragan Cheran.
Zaxiradan maydonga tushganlar: Sanjar Quvvatov, Bahrom Abdurahimov, Najmiddin Normurodov, Bobir Abduxoliqov, Islom Kenjaboev, Dilshod Xushbakov, Islom Rashidxonov, Navro‘z Izatillaev.
