Жаҳоннинг собиқ биринчи ракеткаси Роджер Федерер Australian Open мусобақасида Новак Жоковичнинг ўзбекистонлик Денис Истоминдан мағлуб бўлишини кутмаганини айтди.

"Буни кутмаган эдим. Менга Денис жуда ёқади, у ажойиб йигит. Кийиниш хонасида унинг дўстлари кўп, яунки у жуда хушмуомала. Ажойиб ўйинчи, унинг зарбаси зўр. Аммо мен буни кутмагандим.

Денис учун хурсандман. Бу Новак учун яхши воқеа эмас. Мен Жококич вазиятни ўзгартиришини охиригача кутгандим.

Ҳа, айнан шунинг учун спортни севамиз ва кўрамиз. Мана, нима учн одамлар стадионга келадилар, телевизорда томоша қиладилар. Олдиндан ҳеч нарсани айтиб бўлмайди. Ҳатто фарқ катта бўлиб турганда ҳам аутсайдер фаворитни хафа қилиб қўйиши мумкин. Шунинг учун спорт мухлисиман", - дейди Федерер.