"Реал" бош мураббийи Зинедин Зидан "Малага" устидан қозонилган ғалабадан сўнг (2:1) мухлислар жамоадан яхшироқ ўйин талаб қилишга ҳақли эканликларини айтди.
"Мухлисларнинг норозиликларини тушунман, улар ўз жамоаларидан ҳар доим яхши ўйин кутишади. Аммо қийин дамларда уларнинг қўллаб-қувватлашларига муҳтожмиз.
Мухлисларни танқид қилмайман, чунки улар ўз жамоаларини кўриш учун пул тўлайдилар ва ундан кўп нарса кутадилар. Аммо оғир дамларда, жароҳатлар авж олган вақтларда футболчилар ва мураббийларга уларнинг қўшимча кўмаги керак", - дейди Зидан.
