«Манчестер Юнайтед» ҳужумчиси Уэйн Руни жамоани тарк этмоқчи эмас.
Аввалроқ, Хитой клуби 31 ёшли футболчига ҳафтасига 1 млн фунт маош таклиф қилгани ҳақида хабарлар чиққан эди. «МЮ» таркибида эса Руни 300 минг фунт маош олмоқда.
«Клубда кўпдан буён фаолият олиб бормоқдаман. Аммо бу шундай ўйинки, унда ҳар қандай ҳодиса рўй бериши мумкин. Бироқ айни пайтда «Манчестер Юнайтед»да бахтиёрман. Яширмайман, кўпроқ ўйин амалиётига эга бўлишни истардим. Бироқ бу ерда ҳақиқатдан ҳам бахтиёрман» - деди Руни Sky Sports хабарида.
Уэйн Рунининг «Манчестер Юнайтед» клуби билан тузган шартномаси 2019 йилда ўз ниҳоясига етади.
