«Навбаҳор»нинг Тошкентдаги йиғини давом этмоқда.
Бугун футболчилар икки маҳал машғулотда қатнашишди. Январь ойи бошида тиббий кўрикдан ўта олмаган ва таркибга кечроқ қўшилган футболчилар бугун тиббий кўрикдан ўтишди.
Таркибда айтарли ўзгаришлар йўқ. Йиғинда иштирок этаётган иқтидорли ҳужумчилардан бири Илҳом Алибоев Наманганга қайтиб, ёшлар сафида "Ҳоким кубоги"да қатнашади. Шунингдек, кўрикдан ўтиш учун таклиф этилган Бобир Тиллабоев (“Локомотив”), Шуҳрат Ҳамидов (“Хотира-79”) “Ҳоким кубоги” мусобақасида ёшларга ёрдам беради.
Асосий таркиб вакиллари навбатдаги назорат учрашувини Тошкентда, 26 январь куни “Бухоро” жамоасига қарши ўтказади.
