«Navbahor»ning Toshkentdagi yig‘ini davom etmoqda.
Bugun futbolchilar ikki mahal mashg‘ulotda qatnashishdi. Yanvar oyi boshida tibbiy ko‘rikdan o‘ta olmagan va tarkibga kechroq qo‘shilgan futbolchilar bugun tibbiy ko‘rikdan o‘tishdi.
Tarkibda aytarli o‘zgarishlar yo‘q. Yig‘inda ishtirok etayotgan iqtidorli hujumchilardan biri Ilhom Aliboyev Namanganga qaytib, yoshlar safida "Hokim kubogi"da qatnashadi. Shuningdek, ko‘rikdan o‘tish uchun taklif etilgan Bobir Tillaboyev (“Lokomotiv”), Shuhrat Hamidov (“Xotira-79”) “Hokim kubogi” musobaqasida yoshlarga yordam beradi.
Asosiy tarkib vakillari navbatdagi nazorat uchrashuvini Toshkentda, 26 yanvar kuni “Buxoro” jamoasiga qarshi o‘tkazadi.
