"Челси" посбони Тибо Куртуа ўзи 2014 йилдан буён тўп суриб келаётган клуби сафидаги ҳолати тўғрисида фикр билдирди.
"Челси"да ўзимни ҳеч қачон ҳозиргидай яхши ҳис қилмагандим. Бу майдондаги ўйинларимга ҳам тегишли. Вақти-вақти билан ўйинларда ўзимни кўрсатиш учун бир-икки вазият юзага келади. "Халл" билан ўйинда бундай вазиятлар кўп бўлди.
Аммо мен ҳар доим жамоага ёрдам беришга тайёрман ва охирги икки йилда ўйинимни кучайтирдим дея оламан. Ҳозир ўзимни анча ишончли ҳис қиляпман.
Бунинг устига ҳозир жамоада аъло муҳит юзага келган. Биз кўп ҳазиллашамиз, аммо биргаликда кўп тер тўкяпмиз ва бундан завқ оляпмиз", - дейди Куртуа.
