Фаолиятини Туркия Супер лигасида давом эттираётган Лукаш Подольски мамлакат кубоги доирасида 5 та гол уришга муваффақ бўлди.

У тўп сурадиган «Галатасарой» ўз майдонида «Эрзинжанспор» клубини қабул қилди ва 6:2 ҳисобида муваффақият қозонди. Голларнинг 5 таси Лукаш Подольски ҳисобига ёзилди. Клубнинг Twitter’даги саҳифаси маълумотига кўра, сўнгги бор Жардел «Галатасарой» учун 5 та гол урган бўлиб, бу воқеага 6002 кун вақт тўлганди. Аниқроғи, Жардел 2000 йилнинг 19 август куни турк клуби учун 5 та гол уриб берганди.

Туркия кубогида 32 та жамоа саккиз гуруҳга бўлиб юборилган бўлиб, икки давра ўйинлари ўз якунига етди. «Галатасарой» «E» гуруҳини «Тузласпор»дан кейин 2-ўринда якунлади.

Мамлакат Супер лигасининг 18-туридан кейин «Галасарой» пешқадам «Бешиктош»дан 5 очко ортда қолгани ҳолда 3-ўринни эгаллаб турибди.

Туркия кубоги беллашувларида Подольски 7 та гол билан тўпурарлар рейтингида иккинчи бўлиб турибди. Супер лиганинг 11 та ўйинида бор-йўғи 3 та гол урган ҳужумчи чемпионати тўпурарлари рўйхатида кўриниш бермаган.