"Манчестер Юнайтед" бош мураббийи Жозе Моуриньо шу кунларда Францияга борган Антони Марсиал билан муаммолар мавжуд эмаслигини таъкидлади.
"Бизда дам олиш кунлари кўп эмас, шунинг учун бир неча ўйнчимга агар ўйин заявкасига тушмасалар ва дам олишни истасалар - танлаш имкониятини бердим. Марсиал учун бу Парижга бориб келиш бўлган бўлса - бу нормал ҳолат.
Агар бу кунларда жароҳатлар билан боғлиқ ҳеч нарса содир бўлмаса, Серхио Ромеродан фойдаланаман, захирада Жоэль Кастро Перейра бор. Де Ҳеа ҳам бўш, агар Испанияга бориб икки кунлик таътилдан завқ олишни истаса - буни бажариши мумкин.
Мен ўйинчиларимга танлаш имкониятини беряпман, шунинг учун Антонининг Парижга борганида муаммо йўқ", - дейди Моуриньо.
