«Қўқон-1912» ўринбосарлари «Ҳоким кубоги -2017» мусобақасида муваффақиятли старт олишди.

Муҳсин Низомиддинов шогирдлари биринчи турда «Цементчи -2» клубини мағлуб этишди.

25-дақиқада «Қўқон-1912» ҳисобни очишга муваффақ бўлди. Дилшод Баратов рақиб дарвозасини аниқ нишонга олди. Унинг боши билан берган биринчи зарбаси дарвоза тўсинига тегиб қайтганди. Иккинчи зарба голга айланди.

33-дақиқада қўқонликларда ҳисобни ошириш учун қулай имконият вужудга келганди. Аммо Дилшод Баратов жарима майдончаси ичида тўпни тўхтатишда хатоликка йўл қўйди. Биринчи тайм шу ҳисобда якунланди.

Иккинчи бўлим ҳам қўқонликларнинг устунлиги остида бошланди. 63-дақиқда Аброр Равҳмоновда рақиб дарвозасини ишғол этиш учун яхши имконият вужудга келди. Бироқ унинг зарбасига бироз аниқлик етишмади. Иккинчи бўлимнинг ярми ўтиб бораётган вазиятда Жавоҳир Тўлашев ҳисобни тенглаштирди. Бўлим якунланиши арафасида захирадан майдонга тушган Дониёр Тўлашев қўқонликларга ғалаба келтирган тўпга муаллифлик қилди.

“Ҳоким Кубоги-2017”
“Д” гуруҳи
1-тур
“Цементчи-2” – “Қўқон-1912-2” 1:2 (0:1)
Голлар: Тўлашев-70. – Баратов-25, Тўлашев-90.
Цементчи-2: 1. А. Бурҳонов, 4. А. Мирҳомидов, 5. И. Ваҳобов, 7. Н. Аъзамов, 8. Ж. Тўлашев, 11. И. Анваров, 13. Ф. Жалилов, 18. Ж. Қурбонов, 19. Н. Қурбонов, 20. М. Дадахонов, 22. Б. Исмоилов.
Захира: А. Султонов, 2. Шаҳбоз Ғаниев, 27. Д. Маҳмудов, 9. О. Солижонов, 6. А. Қобилов,10. Ш. Усмонов. 15. Ш. Бойқўзиев
Қўқон-1912-2: 20. И. Абдуллаев, 6. И. Мухторов, 8. И. Маликжонов, 10. А. Раҳмонов, 14. С. Исақов, 15. М. Зокиржонов, 17. И. Каримов, 19. Ш. Холматов, 21. Д. Мелиқўзиев, 25. Д. Баратов, 27. И. Охунжонов.
Захира:1. М. Собиров, 4. М. Раҳимов, 5. Д. Тўлашев, 2. Р. Исақов, 11. А. Ўктамов, 22. И. Аҳмаджонов, 26. И. Усмонов.