«Наполи» мухлислари «Ювентус»га қарши ўйинда, рақиб ҳужумчиси Гонсало Игуаинни «муносиб» кутиб олишга тайёргарлик кўрмоқда.
Футболчи ёзда Турин клубига ўтиб кетганидан сўнг неаполликларнинг ашаддий душманига айланган эди.
«Зўравонлик – бизнинг услубимиз эмас. Неаполликлар – маданиятли одамлардир. Биз муаммоларни зўравонлик ва куч билан ҳал қилмаймиз. Ҳатто душманимизга ҳам бундай муносабатда бўлмаймиз.
Бутун стадион унга қарши увиллаши керак, мана шуни қўллаймиз. Шундан сўнг бор гина-кудуратни унутамиз. Чунки ҳаёт давом этади» - деди Football Italia хабарида «Наполи» фанатларидан бири.
Италия чемпионатининг 30-туридан ўрин олган «Наполи» - «Ювентус» ўйини 2 апрель куни ўтказилади.
