«Бухоро» клубининг сайти хабарига кўра, жамоа бугун ўз қароргоҳида мавсумолди машғулотларини бошлаб юборган.
1 февралдан бошлаб эса, машғулотлар Тошкентда давом эттирилади. У ерда бир қатор назорат учрашувлари ўтказилиши режалаштирилган.
Клуб хабарига кўра, айни пайтда мураббийлар штабида Вадим Абрамов ва Улуғбек Бақоев тандеми ишламоқда.
Уларнинг бошчилигида Тошкентдаги йиғин давомида трансферлар амалга оширилади. Жамоа ўзаги сақланган ҳолда, маҳоратли футболчилар эвазига кучайтирилиши режалаштирилган.
“Бухоро” ПФК мухлисларнинг хавотирга тушмасликларини сўрайди. Яқин кунлар ичида жамоа трансферларда актив иштирок этади ва мухлисларни ўзига хос “сюрприз” кутаётганини маълум қилади.
