Бразилиялик машҳур футболчи Роналдиньо ҳеч қачон мураббий бўлмаслигини тан олди.
«Мен 90 дақиқа давомида ўйинни кузатиб, хавотир олиб ўтиришга қодир эмасман. Энг яхши вазиятлар ва голларни томоша қила оламан холос. Мана шу сабабли ҳеч қачон мураббий бўлмайман» - деди Роналдиньо.
Бундан ташқари у собиқ жамоаси ПСЖ ҳақида ҳам илиқ сўзларни айтди. Футболчи Европадаги фаолиятини айнан парижликлар сафида бошлаган эди.
«Мен ПСЖ ўғлиман. Бу ерга келганимда, мен учун Европага дарча очилган. Бу ерда унутилмас дамларни бошимдан ўтказганман» - деди у Goal хабарида.
