Бугун эрталаб бўлиб ўтган машғулотдан кейин "Навбаҳор" клуби тайёргарлигининг навбатдаги босқичи якунига етди.
17-30 январь оралиғида жамоа машғулотлар билан бир қаторда тўртта назорат учрашувида ҳам майдонга тушди. Ўйинларда иккитасида ғалаба қўлга киритилган бўлса “Металлург” ва “Сўғдиёна” жамоаларига имконият бой берилди.
Футболчилар олиб борилган машғулотлардан сўнг қисқа муддат давомида дам олиш имконига эга бўлишади. Тайёргарликнинг навбатдаги босқичи ҳам Тошкентда олиб борилади. 2 февраль куни жамоа аъзолари яна пойтахтда йиғилиб, машғулотларни давом эттиришади. 14 февралда якунланадиган навбатдаги йиғин давомида ҳам назорат ўйинларида майдонга тушиш режалаштирилган.
