«Венеция» клуби бош мураббийи Филиппо Индзаги «Милан» хўжайини Сильвио Берлускони ҳақида ўз фикрини айтди.
«Ҳар ким ўз йўлини танлайди. Мен мураббийнинг ишига аралашмайдиган президент билан ишлашни маъқул кўраман. Ҳозир «Венеция»даман, аммо ўйинлардан сўнг биринчи навбатда «Милан» ва «Лацио»нинг натижалари, шунингдек Доннарумма ва Локателли билан қизиқаман. Улар ҳали жуда ёш, оддий хатолар туфайли қаттиқ танқид қилинмаслиги лозим» - деди Индзаги.
Маълумот ўрнида, мутахассис 2 йил олдин «Милан» клубини бошқарган эди. Унинг акаси Симоне эса айни пайтда «Лацио»га устозлик қилмоқда.
