Ўзбекистонлик яримҳимоячи Шавкат Саломов Қозоғистоннинг «Атирау» клуби машғулотларида иштирок этмоқда.
У январь ойи бошида «Т-Тим» (Малайзия) клуби кўригида бўлиб қайтганди. Бироқ жамоа билан шартнома имзоламади.
Айни пайтда Саломов «Атирау» таркибида шуғулланмоқда. У Молдованинг «Милсами» клубига қарши ўртоқлик ўйинида ҳам иштирок этди. У «Атирау»нинг асосий таркибидан жой олиб, 9-рақам остида ҳаракатланди.
Айтиш ўринли, Шавкат аввал ҳам Қозоғистонда ўйнаган. Яъни 2013 йили «Жетису», кейинги мавсумда эса «Шахтёр» шарафини ҳимоя қилганди.
