O‘zbekistonlik yarimhimoyachi Shavkat Salomov Qozog‘istonning «Atirau» klubi  mashg‘ulotlarida ishtirok etmoqda.

U yanvar oyi boshida «T-Tim» (Malayziya) klubi ko‘rigida bo‘lib qaytgandi. Biroq jamoa bilan shartnoma imzolamadi.

Ayni paytda Salomov «Atirau» tarkibida shug‘ullanmoqda. U Moldovaning «Milsami» klubiga qarshi o‘rtoqlik o‘yinida ham ishtirok etdi. U «Atirau»ning asosiy tarkibidan joy olib, 9-raqam ostida harakatlandi.

Aytish o‘rinli, Shavkat avval ham Qozog‘istonda o‘ynagan. Ya’ni 2013 yili «Jetisu», keyingi mavsumda esa «Shaxtyor» sharafini himoya qilgandi.